«Դավիթ Գրիգորյանը ԲԴԽ-ում ասել է, որ կասկածներ ունի` խուզարկությունը Քոչարյանի գործի հետ է կապված». ԲԴԽ անդամ

Այսօր ԲԴԽ անդամ Գրիգոր Բեքմեզյանը նշել է, որ Ռոբերտ Քոչարյանի գործը քննող դատավոր Դավիթ Գրիգորյանի գրությունն ուսումնասիրվել է, և խորհուրդը հանդիպել, քննարկել է որոշ հարցեր դատավորի հետ:

Բեքմեզյանն ասել է, որ իրենք դիմելու են գործը հսկող դատախազին՝ պարզաբանումներ ստանալու նպատակով։ Բեքմեզյանի խոսքով՝ Գրիգորյանը կասկածներ է հայտնել, որ իր աշխատասենյակում տեղի ունեցած խուզարկությունը կարող է կապ ունենալ Ռոբերտ Քոչարյանի գործի հետ։ «Մենք Գրիգորյանի բոլոր մտահոգությունները քննարկել ենք, խոսել ենք նաև քրեական գործի մասին»,- ասել է ԲԴԽ անդամը։