Ուրբաթ, 22 սեպտեմբերի, 2023 թ.
|
Ստեփանակերտում`   +18 °C

«ՀԱՊԿ կանոնադրության մեջ փոփոխություններ կատարելով Ադրբեջանին որպես դիտորդ ներգրավելու խնդիր չի դրվել». քաղաքագետ

«ՀԱՊԿ կանոնադրության մեջ փոփոխություններ կատարելով Ադրբեջանին որպես դիտորդ ներգրավելու խնդիր չի դրվել». քաղաքագետ
353
Կիրակի, 28 հուլիսի, 2019 թ., 15:25

«ՀԱՊԿ կանոնադրության մեջ փոփոխություններ կատարելով Ադրբեջանին որպես դիտորդ ներգրավելու խնդիր չի դրվել». MAMUL.am-ի հետ զրույցում ասաց քաղաքագետ Արմեն Վարդանյանը:

Նշենք, որ օրերս ՌԴ Պետդուման վավերացրել է ՀԱՊԿ կանոնադրական փոփոխությունները: Դրանից մեկով նախատեսվում է ՀԱՊԿ դիտորդի և գործընկերոջ կարգավիճակի սահմանում։ Այդ համատեքստում դիտորդի կարգավիճակի առաջին թեկնածուն Ադրբեջանն է՝ Հայաստանի համար հնարավոր բացասական հետևանքներով հանդերձ: Քաղաքագետ Արմեն Վարդանյանը, սակայն, կատարվածի մեջ վտանգ չի տեսնում:

«Եթե անգամ Ադրբեջանին ներգրավելու խնդիր լինի, Հայաստանը պետք է դրան իր հավանությունը տա, որովհետև ՀԱՊԿ-ում բոլոր որոշումներն ընդունվում են կոնսենսուսով»,- ասաց նա:

Քաղաքագետը համամիտ չէ նաև այն դիտարկմանը, թե կանոնադրական փոփոփոխությունները ՀՀ-ի հաստատակամության ու իր դիրքերը ամուր պահելու քայլի պատասխանն են:

«Չմոռանանք, որ ՀԱՊԿ-ը ստեղծվել է ՌԴ շահերն առաջ տանելու համար: Եվ եթե խոսենք երկրներ ներգրավելու մասին, այդտեղ միայն Ադրբեջանը չէ, Մոլդովան էլ կա»,- նշեց քաղաքագետ Ա. Վարդանյանը: