Կիրակի, 18 օգոստոսի, 2019 թ.
|
Ստեփանակերտում`   +23 °C

«Մարդու ֆուտլյարով կենդանի պետք է լինի, որ գնա պղծի հուշաքարերը». ԲՀԿ-ական պատգամավոր

«Մարդու ֆուտլյարով կենդանի պետք է լինի, որ գնա պղծի հուշաքարերը». ԲՀԿ-ական պատգամավոր
61
Շաբաթ, 03 օգոստոսի, 2019 թ., 14:00

ԱԺ ԲՀԿ խմբակցության պատգամավոր Գևորգ Պետրոսյանը լրագրողների հետ հանդիպմանն ասել է, թե թերահավատ է հանրությանը մատուցված այն տեղեկատվությանը, որ ապրիլյան պատերազմնի զոհերի գերեզմաններին մոմ թափող կինն «անեծք է հանել»:

Նա հույս է հայտնել, որ ԱԱԾ-ն ու ոստիկանությունը կբացահայտեն իրականությունը: Հարցին, թե կատարվածի մեջ սադրանք տեսնո՞ւմ է, Գ. Պետրսյանը նշել է. «Այդպիսի հոտ գալիս է, որ դա նախապատրաստված բան է՝ հասարակության մեջ իրարանցում հարուցելու համար»:

ԱԺ պատգամավորի բնորոշմամբ՝ ազատամարտիկների գերեզմանները պղծելը ոճրագործություն է:

«Մարդու ֆուտլյարով կենդանի պետք է լինի, որ գնա պղծի հուշաքարերը»: Կատարվածում ադրբեջանական հետք լինելու հնարավորության վերաբերյալ էլ նշել է՝ կցանկանար, որ արարքն ադրբեջանցին կատարած լիներ և ոչ թե հայը:

«Եթե թուրքն արած լինի, դրան պատճառաբանություն կարելի է գտնել, իսկ եթե հայն է անում, բացատրություն գտնելը դժվար է»,- հավելել է նա:

Ավելի վաղ հայտնել էինք, որ «Եռաբլուր»-ում պղծել են Ապրիլյան պատերազմի հերոսների շիրիմները: Բերման ենթարկված կինը ստորագրությամբ ազատ էր արձակվել: