«Իբր չգիտեի՞ք, որ Սամվել Կարապետյանն իր խմբով մարտի 1-ին Երևանում էր». Տ. Գրիգորյան

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «BBC-ի հոդվածը ևս մեկը անգամ ցույց տվեց, որ Հայաստանում քաղաքականությամբ ու քաղաքական վերլուծությամբ զբաղվող մարդկանց մեծամասնությունը իրականության ընկալման հետ լուրջ խնդիրներ ունի։ Դավադրապաշտությունն ու աշխարհաքաղաքական վերլուծությունը Հայաստանում հոմանիշներ են։
Հարգելի սիրելիներ (խոսքը սերժանտոիդներին ու նմանատիպ այլ արարածներին չի վերաբերում։ Նրանք ոչ հարգելի են, ոչ էլ սիրելի), ինչո՞ւ եք ձեզ կույսի տեղ դրել։ Իբր չգիտեի՞ք, որ Սամվել Կարապետյանը իր խմբով և մի շարք այլ խմբեր Ղարաբաղից մարտի 1-ին Երևանում էին գտնվում։ Չգիտեի՞ք, որ Կարապետյանը մեկ տարի առաջ հարցաքննվել էր։ Չգիտեի՞ք, որ տարբեր զորամասերի ղարաբաղցի սպաներին հանցավոր հրամանով ուղարկել էին Երևան այդ օրերին։ Իհարկե, այս կամ այն անձի դերակատարությունը մարտի 1-ի դեպքերի ժամանակ դատարանը պիտի որոշի։ Անմեղության կանխավարկածը չի կարելի խախտել։ Բայց վերոնշյալ փաստերը անժխտելի են։ Հոդվածի հեղինակը հաստատել է այն, ինչի մասին շատերը գիտեին, բայց չէին բարձրաձայնում։

Էդ կոնսպիրոլոգիական հիմարություններին էլ վերջ տվեք։ Հոդվածի հեղինակը հայ է և վերջին տարիներին մշտապես գրել է Հայաստանի մասին։ Այն քիչ մարդկանցից է, ում իրոք կարելի է լրագրող անվանել։ BBC-ում բոլորովին վերջերս է աշխատանքի անցել։ Եթե չանցներ, մեկ այլ հարթակում կհրապարակեր հոդվածը։ Ձեր պրիմիտիվիզմն ու ինֆանտիլիզմը ի ցույց մի դրեք»։