«Այդ հանցագործությունների պապան հիմա, գրեթե, սուրբ է Ռուսաստանում». Արա Պապյան

Դիվանագետ Արա Պապյանը ֆեյսբուքյան իր էջում գրել է. «Վենետիկի փառատոնում Պոլոնսկու ֆիլմը Դրեյֆուսի մասին նվաճել է Մեծ մրցանակ: Գիտե՞ք՝ որն է Ֆրանսիայի և Ռուսաստանի մեջ տարբերությունը:

Ավելի քան հարյուր տարի առաջ ֆրանսիացի սպա Դրեյֆուսն անհիմն կերպով մեղադրվել է Գերմանիայի օգտին լրտեսույթան մեջ և աքսորվել: Շեշտում եմ չի գնդակահարվել, այլ աքսորվել է:

Ֆրանսիացիները մինչև հիմա տառապում են դրա համար, փորձում են հասկանալ դրա պատճառները, վեր հանել այդ եղելության արմատները, դասեր քաղել դրանից:

Ռուսաստանում, այդ ժամանակ սովետի տարազով, տասնյակ հազարավոր սպաներ անհիմն մահվան են դատապարպվել, բայց այսօր ոչ մի խղճի խայթ, ոչ մի մեղայական: Ավելին՝ այդ հանցագործությունների պապան՝ Ստալինը, հիմա, գրեթե, սուրբ է Ռուսաստանում: Հիմա ո՞րն է մեր քաղաքակրթական ընտրությունը»: