Էդմոն Մարուքյանը՝ Ամուլսարի հանքավայրի վերաբերյալ վարչապետի հայտարարության մասին

«Մի բանում ես սխալվեցի, կարծում էի՝ նոր ՇՄԱԳ է լինելու, բայց նաև հետո մասնագետներին լսեցի, հասկացա, որ նոր ՇՄԱԳ-ի համար հին ՇՄԱԳ-ը պետք է անվավեր ճանաչվի։ Եթե հին ՇՄԱԳ-ն անվավեր ճանաչվի, «Լիդիան»-ը կդիմի Վարչական դատարան։ Կարող են գործը ձգձգել, ամիսներով քննել, և նոր ՇՄԱԳ չկարողանան նշանակել»,- այսօր, լրագրողների հետ զրույցում, ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը՝ ադրադառնալով Ամուլսարի հանքավայրի վերաբերյալ վարչապետի այսօրվա հայտարարությանը։

Հարցին, թե արդյոք պետք է ջերմուկցիները հետևեն վարչապետի կոչին ու ապաշրջափակեն հանքավայր տանող ճանապարհները, նա պատասխանեց․ «Ես կարծում եմ, որ այդ ամենը պետք է հիմնավորված լինի փաստարկներով, ինչը եղել է»։