«Առաջարկում եմ անցնել իրավապահ համակարգի հաստատությունների շենքերով»․ Հակոբ Բադալյան

Քաղաքական վերլուծաբան Հակոբ Բադալյանը ֆեսբուքյան իր էջում գրել է․ «Որևէ փողոցում 2-րդ գծում կայանված մեքենան առաջին մեքենային պատճառում է 4 վայրկյան վնաս, երկրորդին՝ 6 վայրկյան։ Պիկ ժամին այդ շղթայական տրամաբանությամբ գնում, հասնում է հազարերորդ մեքենային։ Այս մասին հայտարարում է քաղաքապետ Տիգրան Ավինյանը։
Տպավորություն է, որ Տիգրան Ավինյանը հաշվելու հարցում վատ չէ։ Այդ դեպքում առաջարկում եմ ավելի կոնկրետություն։ Անցնել իրավապահ համակարգի հաստատությունների շենքերով և հաշվել, թե քանի միլիարդ վայրկյանի վնաս են պատճառում երևանցիներին այդ շենքերի շուրջ ըստ կամայականության կայանող՝ երբեմն ընդհուպ երրորդ գիծ հասնող մեքենաները։ Ու հաշվել, օրինակ, թե որքան կհամալրվի քաղաքային բյուջեն, եթե այդ մեքենաները ենթարկվեն պատշաչճ վարչական պատասխանատվության և այդ պատասխանատվությունից լինի մասհանում քաղաքային բյուջեի համար»։