«Պյոտրը հանկարծակի կանգ առավ ու բարձր գոռաց». արջի հարձակման մասին պատմում է զոհվածի նշանածը
978 Կիրակի, 15 սեպտեմբերի, 2019 թ., 23:10 Արագածի վրա արջի հարձակման ենթարկված զույգը՝ Մաուգոժատա Լուժինցկան և Պյոտր Բարլոգան արդեն երկու տարի է՝ միասին էին ապրում: Տուն էին կառուցում, պատրաստվում ամուսնանալ, երազում էին երեխաներ ունենալու մասին: Սիրում էին ճամփորդել, բացահայտել նոր վայրեր. այս երկու տարիների ընթացքում հասցրել էին 20 երկիր այցելել: Հայաստանի մասին շատ էին լսել, բայց չէին եղել: Որոշել էին՝ համատեղ հաջորդ ուղևորությունը պիտի հենց դեպի Հայաստան լինի: Լեհ զույգը Հայաստան էր ժամանել երեքշաբթի օրը՝ վաղ առավոտյան: «Մենք լեռների սիրահար ենք. Արագած բարձրանալը Պյոտրի միտքն էր. համացանցում հետաքրքիր տեղեկություններ էր կարդացել, որ դա քայլարշավի համար լավ տեղ է»,- Sputnik Արմենիայի հետ զրույցում պատմել է Մաուգոժատան: Նա վերհիշում է Արագած բարձրանալու ու սարսափելի միջադեպի մանրամասները: Ասում է՝ Պյոտրն առջևից էր քայլում. «Պյոտրը հանկարծակի կանգ առավ, դեպի աջ թեքվեց ու բարձր գոռաց: Արջը հանկարծակի հարձակվեց նրա վրա, ու նրանք երկուսով սկսեցին գլորվել ներքև»,-պատմում է Մաուգուժատան, որն առաջին վայրկյաններին չի էլ հասկացել, թե ինչ է կատարվում: Ամեն բան շատ արագ է տեղի ունեցել: «Ես կարծում էի, թե արջը երկուսիս էլ կուտի: Բայց նրանք գլորվեցին, հետո արջը մի կողմ փախավ: Երևի թե կատարվածից ինքն էլ էր վախեցել: Ես մոտեցա Պյոտրին ու 911 զանգահարեցի, բայց արդեն ուշ էր»,- պատմում է Մաուգոժատան: Ասում է, որ ամեն բան շատ արագ է տեղի ունեցել՝ մոտ 1 րոպեում: Կատարվածից անմիջապես հետո աղջիկը կապ է հաստատել Հայաստանում Լեհաստանի դեսպանության հետ: Հայաստանում ընկերներ էլ ունի, ովքեր օգնում են կարգավորել բոլոր փաստաթղթային հարցերը՝ սիրելիի մարմինը Լեհաստան տեղափոխելու համար: Ասել են, որ գործընթացը դեռ մի քանի օր կտևի: Մինչ այդ Մաուգոժատան Հայաստանում կմնա: «Նա իմ կյանքն էր»,- իր տխուր պատմության վերջում ասել է սիրելիին կորցրած լեհուհին: Առավել մանրամասն՝ սկզբնաղբյուրում: |
Օգնության հասած ավտոմեքենան այրվել է (տեսանյութ)
160Երեկ, 22:18Ղրիմում ռուսական ինքնաթիռ է խոցվել (տեսանյութ)
266Երեկ, 21:30Երևանում թալանել են «Զիգզագ» խանութը
139Երեկ, 10:48Արագածոտնում թոռը պապին կախված է գտել
20227.03.2024, 21:30Մահացել է Արարատ Զուրաբյանի դուստրը
28727.03.2024, 16:06Զոհ և վիրավորներ՝ Սիսիան-Սառնակունք ճանապարհին տեղի ունեցած ավտովթարի հետևանքով (լուսանկար)
24127.03.2024, 12:18Կոտայքում երեխան ընկել է եռացող ջրով տարայի մեջ
22127.03.2024, 11:00Բալթիմորում կամրջի փլուզման հետևանքով 6 մարդ է զոհվել
55627.03.2024, 10:36