Ռուսաստանի ՊՆ-ը հրապարակել է Սիրիայում քրդական ուժերի կողմից վերահսկվող ճամբարների քարտեզը

Ռուսաստանի պաշտպանության նախարարությունն իր կայքում հրապարակել է Սիրիայի հյուսիսարևելյան հատվածում գտնվող փախստականների ճամբարների և կալանավայրերի քարտեզը, որոնք վերահսկվում են քրդական ուժերի կողմից:
Ընդհանուր առմամբ, Սիրիայի հյուսիս-արևելքում կա յոթ բանտ՝ ներառյալ Հասեկում (մոտ 1,1 հազար բանտարկյալ), Էլ Խոլում (1.6 հազար), Հիմոում (մոտ 400 մարդ) տեղակայվածները: Բանտարկյալների մեծ մասը (մոտ 9 հազար մարդ) պահվում է Էշ-Շադադում: Ընդհանուր առմամբ՝ ներկա պահին 14,65 հազար մարդ գտնվում է կալանքի տակ:
Ինչպես նշվում է քարտեզի վրա, կա փախստականների 8 ճամբար, որտեղ գտնվում են արաբներ (սուննիներ և շիաներ), քրդեր, թուրքեր, քրիստոնյաներ, հրեաներ և այլն: Ամենամեծ ճամբարը գնվում է Էլ Խոլում (68.6 հազար մարդ): Նաև մինչև 17 հազար ժամանակավորապես տեղահանված անձ տեղակայված է Կամիշլիի ճամբարում (մինչև 8.2 հազար մարդ), Էշ-Շադադի ճամբարում (մինչև 7,2 հազար մարդ): Ընդհանուր առմամբ, Սիրիայի հյուսիս-արևելքում կա մոտ 105.9 հազար փախստական:

ՌԴ պաշտպանության նախարարությունը նաև շեշտում է, որ Թուրքիայի զինված ուժերի կողմից ռազմական գործողությունների ֆոնին Սիրիայի հյուսիսարևելյան հատվածում հումանիտար իրավիճակը վատթարանում է: