«Նման հանցագործությունը միայնակ անել չի լինի». Վաղարշակ Հարությունյան

Պաշտպանության նախկին նախարար, գեներալ-լեյտենանտ Վաղարշակ Հարությունյանը լրագրողների հետ զրույցում խոսեց Նաիրի Հունանյանի՝ ազատ արձակման դիմումի վերաբերյալ:

«Ինչո՞ւ է նա հիմա խոսում. նախ, իրավական նորմ է, որ 20 տարի հետո նա իրավունք ունի դիմելու: Երկրորդ՝ նա տեսնում է քաղաքական իրավիճակի փոփոխություն: Ինչ վերաբերում է նրա ցուցմունքներին, ապա այստեղ ցուցմունքները պետք է բաժանել 2 փուլի՝ մինչև մայիսի 2-ը և դրանից հետո: Մինչև մայիսի 2-ը, երբ գործում էր կառավարությունը, որի անդամը նաև ես եմ եղել, Նաիրի Հունանյանը ցուցմունք էր տալիս, և այդտեղից պարզ է դառնում, որ կան կազմակերպիչներ: Մայիսի 2-ից ուղղությունը փոխվել է, և ամբողջը վերցրել է իր վրա ու ասում է, որ կազմակերպիչներ չեն եղել: Բայց մենք հասկանում ենք չէ՞, որ նման հանցագործությունը միայնակ անել չի լինի, կազմակերպիչներ են պետք»,- ասաց նա: