Հինգշաբթի, 21 նոյեմբերի, 2019 թ.
|
Ստեփանակերտում`   0 °C

«Լավ չէ, որ արդեն 1,5 տարի Հայաստանը ղեկավարող Նիկոլ Փաշինյանն ԱՄՆ Ներկայացուցիչների տունը դեռ չի տարբերում ԱՄՆ Կոնգրեսից». Ռոբերտ Մակարյան

«Լավ չէ, որ արդեն 1,5 տարի Հայաստանը ղեկավարող Նիկոլ Փաշինյանն ԱՄՆ Ներկայացուցիչների տունը դեռ չի տարբերում ԱՄՆ Կոնգրեսից». Ռոբերտ Մակարյան
155
Չորեքշաբթի, 30 հոկտեմբերի, 2019 թ., 11:40

Քաղաքագետ-իրավաբան Ռոբերտ Մակարյանը ֆեյսբուքյան իր էջում գրել է. «Լավ է, որ ԱՄՆ Ներկայացուցիչների տունն ի վերջո վավերացրեց Հայոց ցեղասպանության ճանաչման մասին բանաձևը, բայց լավ չի որ արդեն 1,5 տարի Հայաստանը ղեկավարող Նիկոլ Փաշինյանը դեռ ԱՄՆ Ներկայացուցիչների տունը չի տարբերում ԱՄՆ Կոնգրեսից: Իհարկե սա առաջին անգամ չէ, որ նախկին լրագրող Նիկոլ Փաշինյանն աչքի է ընկնում միջազգային, մասնավորապես ամերիկյան ներքաղաքական անցուդարձերի մասին իր փայլուն ու թարմ տեղեկություններով: Դա արդեն մեկ անգամ ապացուցվեց անցած սեպտեմբերին ԱՄՆ կատարած վերջին այցի ժամանակ, երբ ԱՄՆ նախագահ Դոնալդ Թրամփի և The New York Times-ի միջև վիճաբանության ամենաթեժ պահին Նիկոլ Փաշինյանն ու Աննա Հակոբյանը հիշյալ օրաթերթի խմբագրությունում սելֆիներ էին անում:

Հ.Գ. Հետևելով ՀՀ ԱԳ նախարար Զոհրաբ Մնացականյանի թուիթերյան գրառմանը պարզվում է, որ հիմնական «պրոբլեմը» որտեղ է գտնվում»: