Տավարի, ոչխարի և խոզի մսի գինը կրկին կբարձրանա. «168 ժամ»
898 Շաբաթ, 16 նոյեմբերի, 2019 թ., 10:30 «Հայաստանի շուկայում արտառոց թանկացում չկա, Նոր տարվա շեմին տավարի միսը, որի գինն արդեն բարձրացել է, որոշ չափով էլի կթանկանա։ «Տավարի մսի գինը բարձրացել է մոտ 300 դրամով, հիմա խոզի ու ոչխար մսի գինն էլ կբարձրանա: Գլխաքանակը պակասել է շատ խիստ, չկա նաև անասնակեր: Բռնում ու արագ մորթում են: Խոտը չորանում է, մարզպետարանները կերի կուտակումը չեն կարողանում կազմակերպել, արդյունքում՝ անասուններին դնում են դանակի տակ։ Ժամանակին համակցված կերեր և՛ Հայաստանում ենք պատրաստել, և՛ ստացել ենք Ռուսաստանից: Այդպիսով՝ թե՛ քաշն էր ապահովվում, թե՛՝ կաթնատվությունը: Ուղղակի այսօր դա ֆերմերների համար դժվար է, իսկ Կառավարությունն էլ իր գործը պատշաճ չի կատարում: Երևանի «Համակցված կերերի գործարանը» դեռ կա, այստեղ այդ ամենը կարելի է կազմակերպել»,- 168.am-ի հետ զրույցում ասել է «Ագրարագյուղացիական միավորում» ՀԿ-ի նախագահ Հրաչ Բերբերյանը: Նշենք, որ հայաստանյան շուկայում տավարի միսը՝ ոսկորով, արժե 3350 դրամ, տավարի աղացած միսը՝ 3290 դրամ: Ինչ վերաբերում է խոսակցություններին, թե հնդկաձավարի գինը սեպտեմբերից բարձրացել է՝ Հրաչ Բերբերյանը նշեց, որ գուցե շատ չնչին ու աննկատելի: Քաղաքացիների հետ մեր զրույցից պարզվեց, որ, եթե նախորդ տարիներին որակյալ հնդկաձավարի գինը 800-ի սահմաններում էր տատանվում, ապա այսօր 820-910 դրամ է: Ի դեպ՝ Հայաստանում սպառվող հնդկաձավարի գերակշիռ մասը ներմուծվում է Ռուսաստանից, և տեղի լրատվամիջոցների հաղորդմամբ՝ վերջին ամիսներին ռուսական արտադրության հնդկաձավարի գինը բարձրացել է 20-25 տոկոսով: Այս տարվա հոկտեմբերին մեկ կիլոգրամ հնդկաձավարի մեծածախ գինը Ռուսաստանում հատել է 40 ռուբլու շեմն այն պարագայում, երբ նախորդ տարվա նույն ամսին կազմել է 24–24.1 ռուբլի։ Իսկ ֆերմերները թանկացումը պայմանավորել են այս տարվա ցածր բերքատվությամբ»,-գրում է թերթը: Առավել մանրամասն՝ թերթի այսօրվա համարում: |
«Միր» քարտերը կդադարեն աշխատել Հայաստանի բանկերի մեծ մասի բանկոմատներում
23009:18Հայկական հարյուրավոր բեռնատարներ սպասում են Վերին Լարսում
153Երեկ, 19:06«Հրատապ քայլեր՝ ՀՀ տնտեսական զարգացման ապահովման համար»․ Արթուր Սաքունց
21417.03.2024, 16:48Կոմիտասի շուկան փակվում է (տեսանյութ)
39915.03.2024, 10:30ՄՊՀ-ն վարույթ է հարուցել «Արաքս» թռչնաֆաբրիկայի նկատմամբ
57711.03.2024, 12:06Իրանում կնքվել է գազի խոշորագույն պայմանագիրը
129410.03.2024, 21:18«Ո՞վ ա Արմեն Գրիգորյան անգրագետը, որ տենց բան ա ասում»․ Հրանտ Բագրատյան (տեսանյութ)
77109.03.2024, 13:24«Սիներջի»-ի «իրավիճակը» ամենուր է. «Ժողովուրդ»
62709.03.2024, 10:00