Երեքշաբթի, 19 մարտի, 2024 թ.
|
Ստեփանակերտում`   +4 °C

«Իրանում շատ կարևոր տրանսֆորմացիաներ են ընթանում». Կարեն Անտաշյան

«Իրանում շատ կարևոր տրանսֆորմացիաներ են ընթանում». Կարեն Անտաշյան
290
Ուրբաթ, 22 նոյեմբերի, 2019 թ., 04:15

Բանաստեղծ Կարեն Անտաշյանը ֆեյսբուքյան իր էջում գրել է. «Իրականության հետ առերեսումը, ազատագրումն ու առաջընթացն այլընտրանք չունեն, սրանք կյանքի, մարդկային կյանքի հիմնարար շարժիչ ուժերն են, ափսոս միայն, որ արդեն բաշխված իշխանության ամուր բռունցքը, ամենայն նորի հանդեպ հասարակությունների վախն ու զգուշավորությունը, կայունության պատրանքից կառչելն ու ընդհանուր առմամբ գոյատևման ռեժմի հաղթահարումը զոհեր են պահանջում՝ հաճախ ջահել մարդկային կյանքերի տեսքով։ Էս օրերին Իրանում շատ կարևոր տրանսֆորմացիաներ են ընթանում ու թեև երկրի փակության պատճառով ու միգուցե նաև միջազգային հանրության՝ էս ամենը չտեսնելու տալու ու ագրեսոր Իրանի միֆը կենդանի պահելու նկատառումներով մենք շատ բան չենք իմանում ու շատ բան չգիտենք, բայց սոցիալական հողի վրա սկսված կոնֆլիկտն էության մեջ իրական կյանքի ու կրոնապահպանողական, իշխանական կոշտ սահմանափակումների հակադրության արդյունքն է, որ ծնկի է բերել երկիրը։ Հայաստան եկող հասարակ իրանցիների պահվածքից տեսնում ենք, որ մարդիկ ուզում են նորմալ եվրոպացու պես ապրել, չեն ուզում առանց այդ էլ անհաղթահարելի սահմանափակումներով էս կյանքին ու մարմնին բարձել հավելյալ բարոյաքաղաքական ու կրոնական սահմանափակումների բեռն ու ճիշտն իրենք են։ Ցավում եմ կորուստների համար ու ոգու ամրություն մաղթում իմ իրանցի եղբայրներին ու քույրերին, հեշտ չի լինելու»։