«Մարդիկ ուզում են դասալքությունն օրինականացնել ու թշվառների բանակ ստեղծել». Տիգրան Գրիգորյան

Ուրբաթ, 29 նոյեմբերի, 2019 թ., 16:45

Արցախի «Ազգային վերածնունդ» կուսակցության անդամ Տիգրան Գրիգորյանը ֆեյսբուքյան իր էջում գրել է. «Չէ, բայց իրոք զարմանում եմ, թե ոնց էր կարելի այսպիսի աջաբսանդալ հավաքել «Իմ քայլում»։ Գոնե ասեք՝ սուս-փուս լռվեն ու կնոպկա սեղմեն։ Թե չէ այնպիսի տպավորություն է ստեղծվում, որ իշխող խմբակցության որոշ անդամներ ևս մասնակցում են նոր կառավարությանը հայտարարված հիբրիդային պատերազմին։ Թե բա՝ 10 միլիոն մուծվեք ու բանակից ազատվեք։

Չգիտենք, թե ժողովրդագրական ճգնաժամով պայմանավորված խնդիրներին ինչպիսի լուծում կարելի է տալ, մարդիկ էլ ուզում են դասալքությունն օրինականացնել ու թշվառների բանակ ստեղծել։ Ընդ որում՝ պարզ է, որ էս խեղկատակությունը չի ընդունվելու։ Բայց անիմաստ շուխուռ է արվում ու զարգացվում «դասալիքների կառավարության» մասին քարոզչական նարատիվը։ Դուք հո մազոխի՞ստ չեք։ Այստեղ ևս Դանինգ-Կրյուգերի էֆեկտի հետ գործ ունենք։ «Իմ քայլում» կան բազմաթիվ պրոֆեսիոնալներ, որոնք ստվերվում են այսպիսի կերպարների կողմից»։