«Հուսամ, որ Նիկոլ Փաշինյանի և Զոհրաբ Մնացականյանի խելքն այդքան հասնում է». Արմեն Աշոտյան
![]() 439 Երեքշաբթի, 03 դեկտեմբերի, 2019 թ., 15:15 ՀՀԿ փոխնախագահ Արմեն Աշոտյանը սոցկայքի իր էջում գրել է. «Բրատիսլավային ընդառաջ. ՌԴ արտգործնախարար Ս. Լավրովի այցը Բաքու հատկանշական էր վաղը Բրատիսլավայում կայանալիք Հայաստանի և Ադրբեջանի ԱԳ նախարարների հանդիպումից առաջ: Դեռ երեկ՝ Ադրբեջանի նախագահի հետ հանդիպման ժամանակ, Ալիևը կրկին խաղարկեց Փաշինյանի «Արցախը Հայաստան է» արտահայտությունը և Լավրովից ստացավ ընդհանուր համաձայնություն իր բացասական գնահատականի առնչությամբ: Այսօր Ադրբեջանի և Ռուսաստանի ԱԳ նախարարների համատեղ ասուլիսն էլ ավելի խոսուն էր: Ադրբեջանական կողմը կրկին իր ամպլուայի մեջ էր. «поэтапный подход», «субстантивные переговоры», «возвращение беженцев и переселенцев», «урегулирование должно привести к процветанию» և Արցախի հարցին վերաբերող նեյրոլինգվիստիկ ծրագրավորման այլ հնարքներ և մանտրաներ: Ուշագրավ են նաև արտգործնախարարների մեկնաբանությունները Նիկոլ Փաշինյանի այն հայտարարության մասին, որով նա կոչ էր անում ՀԱՊԿ երկրներին դադարել զենք վաճառել Ադրբեջանին: Լավրովի կարծիքից պարզ դարձավ, որ այդ համագործակցությունը շարունակվելու է, իսկ Մամեդյարովն ակնարակեց նոր ռազմատեխնիկական գործարքների մասին: Սակայն մամլո ասուլիսը մեխը կարծեք թե այլ էր՝ հավասարության նշան դնել Արցախի իշխանությունների և Արցախի «ադրբեջանական համայնքի» միջև, ինչին ի պատասխան ռուսական կողմն ընդհանրական բնութագիր տվեց, որ «համայնքների միջև շփումները պետք է վերականգնվեն, իսկ Ղարաբաղի ապագան որոշելու է ԼՂ ողջ բնակչությունը»: Աչքիցս չվրիպեց նաև Մամեդյարովի ակնարկը հնարավոր խաղաղապահ կոնտինգենտի մասին... Ասուլիսին ազդարավեց նաև, որ վաղը Բրատիսլավայի հանդիպումից հետո չի բացառվում հնգակողմ (Հայաստան, Ադրբեջան և ԵԱՀԿ Մինսկի խմբի համանախագահներ) համատեղ հայտարարության ընդունում: Հիշեցնեմ, որ նախորդ տարվա նմանատիպ հայտարարությունը Միլանում հայկական դիվանագիտության համար բավականաին անհաջող էր, քանզի պարզ չէր, թե որն է Արցախի հարցի «արդար» կարգավորման հիմքերը: Տարակուսելի էր ոչ միայն հայկական կողմի ստորագրությունը, այլև հրճվանքն այդ փաստաթղթով: Տեսանելի է, որ պաշտոնական Մոսկվան հակամարտության կարգավորման տվյալ փուլում ստանձնել է առաջին ջութակի դերը, պարբերաբար շեշտելով, որ այդ դերակատարության համար ունի ևʹ ԵԱՀԿ Մինսկի խմբի համանախագահի կարգավիճակ, ևʹ առանձին եռակողմ կապեր Հայաստանի ու Ադրբեջանի հետ: Վերջին շրջանում մերձբանակցային բառապաշարում տեղ են գտնում ձևակերպումներ, մտքեր և մոտեցումներ, որոնք, մեղմ ասած, տարակուսանք, իսկ եթե ավելի անկեղծ՝ անհանգստություն են առաջացնում գործընթացի ներկա փուլում հայկական դիրքերի և դիրքորոշումների շահեկանության հարցում: Ամփոփելով, շեշտեմ, որ Հայաստանում իշխանափոխությունից հետո Արցախյան բանակցություններում շատ են սկսել խոսել փախստականների վերադարձի, շրջանների հետհանձման, միջմարդկային շփումների և փոխայցելությունների կարևորության մասին: Ուզում եմ կրկին ու հստակ ընդգծել. առանց Արցախի վերջնական կարգավիճակի հստակեցման իրավական ամուր երաշխավորված հիմքերի որևէ շրջանակային համաձայնություն կործանարար կլինի Հայաստանի և Արցախի համար, և ձեռք բերվել չի կարող: Հուսամ, որ Նիկոլ Փաշինյանի և Զոհրաբ Մնացականյանի խելքն այդքան հասնում է»: |
««Հայաստա՛ն» խմբակցություն, սպասենք Կաթողիկոսին էլ կալանավորե՞ն, թե՞ Սահմանադրություն փոխեն». Հրանտ Մելիք-Շահնազարյան
14301:12«Արա՛, նախ դու ամուսնացի, հետո նոր քահանաներին ասա՝ իմ եղբայրներն են»․ Ռուբեն Մխիթարյան (տեսանյութ)
13501:00«Համեմատելով «ինքնիշխան» Նիկոլին ու Նիկոլայ 2-րդ ցարին՝ կգանք շատ տխուր եզրահանգումների»․ Միհրան Հակոբյան
16900:42«Թիվ մեկ օրակարգը պետք է լինի ինքնիշխանության վերականգնումը, ոչ թե Վեհափառին անարգելը»․ Վարդան Ոսկանյան
198Երեկ, 23:54«Ես ուտող ուրացող քրդի շուն չեմ»․ Արմեն Մուրադյան
186Երեկ, 23:36«Իհարկե, Փաշինյանը բերելու է 300 հազար ադրբեջանցիներին․ իր ընտրազանգվածի կեսն է»․ Արմինե Ադիբեկյան (տեսանյութ)
246Երեկ, 23:30«ՌԴ-ի և Ադրբեջանի հարաբերություններն արագ կկարգավորվեն»․ Նաիրի Հոխիկյան
174Երեկ, 22:42«Վաղն ուզում են միջպետական ճանապարհները փակել, մեքենաների բեռնախցերն ստուգել»․ Սյուզի Բադոյան
227Երեկ, 22:24