«Սա ի՞նչ տոտալ վերահսկողություն է քաղաքացիների անձնական կյանքի վրա». Հրանուշ Խառատյան
446 Չորեքշաբթի, 11 դեկտեմբերի, 2019 թ., 17:15 Ազգագրագետ Հրանուշ Խառատյանը ֆեյսբուքյան իր էջում գրել է. «Սա ի՞նչ տոտալ վերահսկողություն է քաղաքացիների անձնական կյանքի վրա: Շնչելու հնարավորություն չի՞ մնալու: Ես չեմ ուզում և չեմ թույլ տա, որ ոստիկանությունն իմ հեռախոսային խոսակցությունները գաղտնալսի: Քանի որ օրենքն ընդունելու դեպքում ես չեմ կարող թույլ չտալ իմ հեռախոսային խոսակցությունների գաղտնալսումը, ինձ կմնա երկու բան՝ Հայաստանից հեռանալու հնարավորությունն առաջին անգամ է ծագում իմ գլխում: Բայց ես չեմ թույլ տա, որ ոստիկանությունն ինձ գաղտնալսի: Եթե ոստիկանությունն անզոր է, տգետ է կամ որևէ այլ պատճառով չի կարող մեր երկրում կանխել հանցագործությունը, կամ հայտնաբերել հանցագործին, ապա հեռախոսալսումները դրան չեն օգնելու: Ընդհակառակը, հեռախոսային գաղտնալսումները խթանելու են հանցագործությունները: Հանցագործները, կոռուպցիոներները, ստահակները հազարավոր ձևեր ունեն միմյանց հետ պայմանավորվելու: Իսկ նրանց «հետևող» ոստիկանը հավելյալ հնարավորություն է ստանում հանցագործին ուղղակի վաճառել իր գաղտնալսած տեղեկությունը: Հեռախոսային խոսակցությունը մարդկանց անձնական կյանքի ոլորտ է: Սրան կարող է հաջորդել մյուսը՝ բոլոր տների, բնակարանների ներսում տեսագրող սարքերի տեղադրումը: Հանկարծ ու մարդու մտքով անցնում է մերկ շրջել սեփական տանը, կնոջը կամ ամուսնուն դավաճանել, գիշերն ուշ քնել և ռեժիմին վատ ծառայել, «Կուսակցությունը» տեղյակ չլինի՞, թե ով ում խանդեց, ով տանը չգիշերեց, ով ինչքան հացի փող պարտք արեց և ումից պարտք արեց, անձի գիշերամիզությունից, չորացող մաշկի դեմ օգագործվող կրեմի բաղադրությունից, մազաթափությունից, խմած կարվալոլի կաթիլների քանակից, տանը կազմակերպվող խնջույքների հաճախականությունից և ծավալներից, առավոտյան իրենց օրը սուրճով սկսող գիտնականների արատավոր սովորությունից, այցելուներից, և վերջապես որտեղ են հանդիպելու «մի խումբ մարդիկ»՝ «ինքնաբուխ ցույցի» նպատակով, և ովքեր են այդ մարդիկ: Այոʹ, ես վատ քաղաքացի եմ, չեմ ուզում և չեմ թույլ տա, որ ոստիկանությունն իմ հեռախոսային խոսակցությունները գաղտնալսի և իմ անձնական արատավոր կյանքի մանրամասները պարզի: Իմ արատավոր մասնավոր կյանքն ի՛մ անձնական կյանքն է: Եթե ոստիկանության կողմից հեռախոսային գաղտնասումների մասին օրինագիծն արդեն առաջին ընթերցմամբ ընդունվել է ԱԺ կողմից, այն էլ կուսակցական փաթեթային 82 կողմ ձայներով, ես հրաժարվում եմ այս ԱԺ-ն իմ երկրի օրենսդիր մարմին համարել»: |
«Խորհրդային Հայաստանի կրթության և ինքնիշխան Հայաստանի կրթության տարբերության մասին». Անի Կաղինյան
7004:18«Քաղաքական ասպարեզը ոչ մեկին չեն մատուցում սկուտեղի վրա, այն նվաճվում է». Հակոբ Բադալյան
9303:00«Հայաստանը ոչինչ չի ստանում․ իսկ ի՞նչ է ստանում Նիկոլ Փաշինյանը». Սևակ Հակոբյան (տեսանյութ)
7902:24«Փոխոստիկանապետ Կարեն Հակոբյանը մի պահ շփոթվեց, կարգի բերեցինք». Բագրատ Սրբազան (լուսանկար, տեսանյութ)
10601:48ԵԿՄ Վանաձորի բաժանմունքի խորհուրդը հայտարարություն է տարածել
11401:24«Կվնասե՞ն՝ կվերականգնենք»․ Անդրանիկ Քոչարյանը՝ Տավուշում գազատարի վտանգվելու մասին
11201:18«Անցած տարի այս օրը Ալիևը տեղադրեց ապօրինի անցակետը, իսկ մեկ տարի անց՝ սյունը». Բեգլարյան
9001:06«Պետք է հարյուրհազարավոր սովորական մարդկանցով դուրս գալ փողոց ու ասել, որ սա մեր եկեղեցին է». Վահե Հովհաննիսյան
9601:00