Աշխարհի 5 ամենահզոր նավատորմերը

Ամերիկյան The National Interest ամսագիրն անվանել է աշխարհում հինգ ամենահզոր նավատորմերը, որոնք են՝ Միացյալ Նահանգների, Չինաստանի, Ռուսաստանի, Մեծ Բրիտանիայի և Ճապոնիայինը:
Առաջին տեղում ամերիկյան նավատորմի կազմն է: Ինչպես նշում է ամսագիրը, ԱՄՆ-ն ավելի շատ նավ ունի, քան աշխարհի ցանկացած նավատորմ: «Ոչ մի նավատորմ չունի նման գլոբալ ընդգրկում, ինչպիսին է ԱՄՆ ռազմածովային ուժերինը, որոնք պարբերաբար գործում են Խաղաղ օվկիանոսում, Ատլանտյան և Հնդկական օվկիանոսներում, ինչպես նաև Միջերկրական ծովում և Պարսից ծոցում»,- նշում է ամսագիրը: Ամերիկյան նավատորմն ունի 10 ավիակիր, 9 դեսանտային նավ, 22 հածանավ, 62 էսկադրային ականակիր, 17 ֆրեգատ և 72 սուզանավ: Երկրորդ հորիզոնականում չինական նավատորմն է: Չինական նավատորմի զարգացումը հնարավոր եղավ շնորհիվ երկրի տնտեսության աճի, որը հանգեցրեց 1989 թվականից ի վեր պաշտպանության բյուջեի տասնապատիկ աճի: Ներկայումս Չինաստանն ունի 1 ավիակիր, 3 դեսանտային նավ, 25 էսկադրային ականակիր, 42 ֆրեգատային նավ, 8 ատոմային և մոտ 50 սովորական սուզանավ:
Երրորդ հորիզոնականը զբաղեցնում է Ռուսաստանի նավատորմը: Չնայած այն հանգամանքի, որ Ռուսաստանը ավանդաբար համարվում է ցամաքային տերություն, այն ժառանգել է խորհրդային նավատորմի մեծ մասը: Միևնույն ժամանակ, նոր նավերն աստիճանաբար շահագործման են հանձնվում, իսկ հները՝ արդիականացվում: Ռուսական նավատորմն ունի 79 խոշոր նավ, այդ թվում՝ 1 ավիակիր, 5 հածանավ, 13 էսկադրային ականակիր և 52 սուզանավ:
Չորրորդ տեղը զբաղեցնում է Մեծ Բրիտանիայի Թագավորական նավատորմը: Երկրի զինված ուժերը վերջին տարիներին նավատորմի թվաքանակն աստիճանաբար կրճատում է: Ներկայումս բրիտանական նավատորմն ունի 3 խոշոր դեսանտային նավ, 19 ֆրեգատ և էսկադրային ականակիր, 7 միջուկային հարվածային ատոմային սուզանավ և 4 սուզանավ՝ բալիստիկ հրթիռներով զինված:
Ճապոնիայի ռազմածովային ինքնապաշտպանության ուժերը զբաղեցնում են հինգերորդ տեղը: Ծագող արևի երկրի նավատորմն իր կազմում ունի 114 նավ, որի կորիզը կազմում են 46 միավոր էսկադրային ականակիրները: Միևնույն ժամանակ, ճապոնական սուզանավային նավատորմը, որը բաղկացած է 16 նավերից, աշխարհի լավագույններից մեկն է՝ համաձայն The National ամսագրի:





«Այո, 4 հոգանոց ընտանիքի մեկ օրվա սննդի վրա մոտ 15 հազար է ծախսվում». Կարեն Վրթանեսյան
147Երեկ, 20:54
«Գազի գնի 10%-ով թանկացումը բերելու է 0,6% գնաճ»․ Մարտին Գալստյան (տեսանյութ)
142Երեկ, 16:42
Կալասը հայտարարել է Ռուսաստանի դեմ պատժամիջոցների 22-րդ փաթեթի մասին
120716.11.2026, 22:49
Օդեսայում՝ Mercedes-Benz-ի ավտովաճառքի սրահում հրդեհ է բռնկվել
104115.11.2026, 19:19
Խաղողագործներին փող չեն տալիս․ «Հրապարակ»
68714.11.2026, 09:18
Եվրոպական երկրները պատրաստակամություն են հայտնել աջակցել Հայաստանի առևտրի և էներգետիկ ոլորտների դիվերսիֆիկացմանը
149013.11.2026, 11:18
«Անհուսալի վարկառուների խնդիրը լուծելու համար արդյունավետ կլինի երկաստիճան համակարգված մոտեցումը»․ Հրայր Կամենդատյան
69512.11.2026, 16:00
Ուկրաինական հարվածները փլուզել են Ռուսաստանի նավթավերամշակումը. Reuters
183810.11.2026, 19:37