Ուրբաթ, 04 հուլիսի, 2025 թ.
|
Ստեփանակերտում`   +17 °C

«Մտահոգություն ունեմ, որ Թուրքիայի պատասխանն ավելի շատ մեզ վնասի, քան ԱՄՆ-ին». Նաիրի Հոխիկյան

«Մտահոգություն ունեմ, որ Թուրքիայի պատասխանն ավելի շատ մեզ վնասի, քան ԱՄՆ-ին». Նաիրի Հոխիկյան
445
Ուրբաթ, 13 դեկտեմբերի, 2019 թ., 15:00

Միջէթնիկ հակամարտությունների փորձագետ Նաիրի Հոխիկյանը ֆեյսբուքյան իր էջում գրել է․ «Կոնգրեսի Սենատի կողմից ճանաչելով Հայոց ցեղասպանությունը՝ ԱՄՆ-ն ևս մեկ անգամ պատժեց Թուրքիային՝ Ռուսաստանի հետ սիրախաղի համար: Դա հստակ պատասխան էր Անկարայի այն քայլին, որ պատրաստ է ռուսական Ս-400-ից հետո գնել նաև ռուսական արտադրության կործանիչներ:

ԱՄՆ-ն արեց իր շատ կարևոր, ռազմավարական ու լավ մտածված քայլը: Մտահոգություն ունեմ, որ Թուրքիայի պատասխանն ավելի շատ մեզ վնասի, քան ԱՄՆ-ին, օրինակ՝

- Տնտեսական արգելքներ սահմանել Հայաստան փոխադրվող ապրանքների նկատմամբ (ի գիտություն՝ դա մեր արտաքին առևտրի հսկա բաժինն է կազմում):
- Բռնաճնշումներ սկսել Թուրքիայի հայերի՝ այդ թվում՝ Ստամբուլի և Արևմտյան Հայաստանի հայերի նկատմամբ:
- Ադրբեջանի ձեռքով պատերազմ հրահրել Արցախի սահմանին: Սա ևս խիստ հավանական է, քանի որ ադրբեջանական դիվանագիտությունն արդեն տևական ժամանակ ակնարկում է պատերազմի մասին՝ միաժամանակ ռազմական պատրաստություններ տեսնելով սահմանին: Ավելին՝ Թուրքիան էլ վերջին ամիսներին հաճախ է զորաջոկատներ զինված ուղարկում Ադրբեջան և Նախիջևան, և վերջիններս այնտեղից վերադառնում են Թուրքիա՝ առանց զենքի»: