Թուրքիայում կձերբակալվեն հարյուրավոր մարդիկ՝ հեղաշրջման փորձի համար

Թուրքիայի իշխանությունները 260 մարդու ձերբակալման որոշում են կայացրել՝ հակակառավարական հեղաշրջման կազմակերպիչների հետ կապ ունենալու կասկածանքով: Հրապարակման պահին Անկարայում արդեն 171 մարդ ձերբակալվել է, հայտնում է Anadolu գործակալությունը:

Հայտնի է, որ արտերկրում գտնվող կասկածյալների ձերբակալության համար արդեն տրվել է յոթ որոշում: Ձերբակալությունները կապված են Ֆեթուլլահիստական ահաբեկչական կազմակերպության (FETÖ) հետ, որը, ըստ Թուրքիայի կառավարության, կապված է 2016-ի հեղաշրջման փորձի հետ:

Ձերբակալվածները հայտնվել են իրավապահ մարմինների ուշադրության կենտրոնում, երբ օգտագործել են ByLock հավելվածը, ինչը թույլ է տալիս նամակագրության կոդավորումը: Ըստ իշխանությունների՝ նրա օգնությամբ հեղաշրջման կազմակերպիչները համակարգել են իրենց գործողությունները 3 տարի առաջ: