«Անպատասխան սադրանքներ չեն լինելու». Արծրուն Հովհաննիսյան

534

Հինգշաբթի, 19 դեկտեմբերի, 2019 թ., 00:35

ՊՆ մամուլի խոսնակ Արծրուն Հովհաննիսյանը Հանրային հեռուստաընկերության եթերում խոսել է Տավուշի սահմանին ադրբեջանական սադրանքի, Հայաստանի ԶՈՒ-ի կողմից տրված պատասխանի, ինչպես նաև բանակի համար նոր զինատեսակների ձեռքբերման գործընթացի մասին։

«Կրակոցներն ավելի շատ եղել են մարտական դիրքերի ուղղությամբ: Կարելի է ասել՝ երկու փուլով է ընթացել: Պատասխաններից հետո դադարեցվել է, հետո կեսգիշերին մոտ նորից շարունակվել է մոտ 2-3 ժամ: Որ ասեմ շատ ինտեսնիվ է եղել՝ ոչ»,- ասել է Հովհաննիսյանը:

Նա նշել է, որ Տավուշի հատվածում ոչ շատ հանգիստ է, ոչ շատ լարված. «2016-ի ապրիլից հետո ունենք այս իրավիճակը. երբ լիարժեք հանգիստ չկա, բայց տևական հանգստյան շրջաններ ունենք: Այսինքն՝ ունենք ամիսներ, որ գրեթե փամփուշտ չի արձակվում, և դա, բնականաբար, ողջունվում է Զինված ուժերի կողմից»,- ասել է նա՝ հավելելով, որ անպատասխան սադրանքներ չեն լինելու:

Մանրամասները՝ տեսանյութում: