Ուրբաթ, 17 հունվարի, 2020 թ.
|
Ստեփանակերտում`   0 °C

Հայաստանը բենզին ձեռք կբերի Ղազախստանից. սպասվում է գների նվազում. Sputniknews.kz

Հայաստանը բենզին ձեռք կբերի Ղազախստանից. սպասվում է գների նվազում. Sputniknews.kz
481
Հինգշաբթի, 19 դեկտեմբերի, 2019 թ., 16:30

Ղազախստանի էներգետիկայի գծով փոխվարչապետ Ասեթ Մագաուովը լրագրողների հետ ճեպազրույցում խոսել է ՀՀ կառավարության հետ ղազախական բենզինի ներմուծման շուրջ պայմանավորվածությունների մասին, գրում է sputniknews.kz-ը:

Ըստ նրա՝ հայկական կողմը համաձայնել է ընդունել ղազախական կողմի բոլոր առաջարկները, և այժմ համաձայնագիրն ուղարկվել է ներպետական մակարդակում հաստատմանը:

«Կան որոշ անհամապատասխանություններ Ղազախստանի Ֆինանսների նախարարության ու առևտրի և ինտեգրման նախարարությունների միջև, որոնք առանձին հարցերի շուրջ տարբեր տեսակետներ են արտահայտել: Կարծում եմ, որ հաջորդ շաբաթ առանձին խորհրդակցություն կունենանք պետական այս կառույցների հետ»,- հայտարարել է Մագաուովը: Ղազախստանի փոխվարչապետի խոսքով՝ առջևում լեզվաբանական և գիտաիրավական փորձաքննության ընթացակարգերն են, ինչից հետո Հայաստանը պետք է հայտնի մատակարարումների ծավալների մասին: