2019-ին աշխարհում տեղի ունեցած կարևոր և հիշարժան իրադարձությունները

421

Երեքշաբթի, 31 դեկտեմբերի, 2019 թ., 19:35

2019 թվականը շատ հագեցած էր աշխարհում տեղի ունեցած բազմաթիվ իրադարձություններով. բողոքի ակցիաներ, տարերային աղետներ, գիտական նվաճումներ և այլն:

Ամփոփելով տարին՝ ներկայացնում ենք 2019 թվականին աշխարհում տեղի ունեցած կարևոր և հիշարժան իրադարձություններից մի քանիսը:

1. Արվել է սև խոռոչի առաջին լուսանկարը

2019-ի ապրիլին Երկիր մոլորակը հիացավ մարդկության կողմից առաջին անգամ արված սև խոռոչի լուսանկարով: Սև խոռոչը գտվում է M87 գալակտիկայում: Գիտնականները պարզել են, որ այն մեծ է Երկիր մոլորակից 3 միլիոն անգամ:

2. Հրդեհ՝ Փարիզի Աստվածամոր տաճարում

Գարնանը աշխարհը ցնցվեց Փարիզի Աստվածամոր տաճարում բռնկված հրդեհից: Մինչև այժմ էլ հրդեհի պատճառը հայտնի չէ: Հրդեհի հետևանքով փլուզվել է տաճարի կենտրոնական ծայրաձողը, զգալի վնաս է հասցվել ներքին հարդարանքին, եկեղեցու վերին պատերին ու պատուհաններին

3. Առաջին անգամ կանայք՝ բաց Տիեզերքում

NASA-ի տիեզերագնացներ Քրիստինա Քուքը և Ջեսիկա Մեյրը դուրս եկան բաց Տիեզերք՝ այնտեղ գտնվելով 7 ժամ:

4. Անտարկտիդայում սկսել է հալվել Լարսենի սառցադաշտը

Սառցադաշտից մի մասն առաջին անգամ առանձնացել է 1995-ին, երկրորդը՝ 2002-ին: Այժմ հալվում է սառցադաշտի մի հսկայական հատված, որը ձևավորվել է 12 հազար տարի առաջ:

Հենց Լարսենի սառցադաշտից է կախված համաշխարհային օվկիանոսի մակարդակը:

5. Ամազոնի անտառների հրդեհը

Այս տարի հունիսին աշխարհը ցնցվեց Ամազոնի անտառների հրդեհներով: Բրազիլիայի տիեզերական հետազոտությունների ազգային ինստիտուտը հայտնել էր հրդեհների քանակի ռեկորդային աճի մասին:

6. ՌԴ Իրկուտսկի շրջանի ջրհեղեղը

Հուլիսին և օգոստոսին այս շրջանում տեղատարափ անձրևներ էին: Ափերից դուրս էին եկել 5 մեծ գետեր: Ջրհեղեղի հետևանքով ավերվել էին քաղաքներ, կամուրջներ: Բազմաթիվ մարդիկ անտուն էին մնացել: