«Նախիջևանում ներքին հրահանգ է տրվել դպրոցների տնօրեններին». Կարեն Հովհաննիսյան

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Նախիջևանում ներքին հրահանգ է տրվել դպրոցների տնօրեններին, որպեսզի ակտիվ աշխատանքներ տանեն ավարտական դասարանների աշակերտների հետ, և նրանց դպրոցն ավարտելուց հետո ուղղորդեն Նախիջևանի կայազոր ծառայության որպես սպաներ: Նախիջևանի կայազորի հրամանատար Քերիմ Մուստաֆաեվը հանդիպում է ունեցել դպրոցների տնօրենների հետ, ներկայացրել այն գործողությունների քարտեզը, որով պետք է առաջնորդվեն տնօրենները: Դպրոցներում նաև դրվել է ռազմագիտություն և ֆիզկուլտուրա առարկանների դասաժամերի բարձրացման հարցը: Նախիջևանի ռազմական ղեկավարությունը նաև հանձնարարել է, որպեսզի դպրոցներում անցկացնեն սեմինարներ, թրեյնինգներ ռազմական գործի, հատուկ ստորաբաժանումների, միջանձնային հարաբերությունների թեմաներով: Նախատեսվում է, որ մինչև 2019-2020թթ-ի ուսումնական տարվա ավարտին ունենալ Նախիջևանի պահանջները ապահովող դիմորդներ ռազմական ինստիտուտներում և Նախիջևանում գործող ռազմական քոլեջում»: