«Եթե կա սպանություն, բռնաբարվածներ, թող դիմեն դատախազություն». Սամվել Բաբայան

«Դատախազության դուռը բաց է. եթե կա սպանություն, բռնաբարվածներ թող դիմեն»,- Հանրային հեռուստաընկերության եթերում ասել է «Միասնական հայրենիք» կուսակցության նախագահ Սամվել Բաբայանը՝ անդրադառնալով դիտարկմանը, թե իր կերպարը հաճախ ասոցացվում է բռնության, ուժի հետ, և մարդիկ վախենում են իրենից:

Նրա խոսքով՝ նման տեսակետները չեն համապատասխանում իրականությանը: Բաբայանը եթերի ժամանակ դրանք որակել է «հեքիաթներ»:

«Այդ ամենը ձեռնտու էր նրանց, ովքեր ցանկանում էին հաղթանակը սեփականաշնորհել, ովքեր հասկանում էին, որ պարոն Բաբայանի հետ հեշտ չէ աշխատել»,-ասել է նա:

Ավելի վաղ հայտնել էինք, որ Սամվել Բաբայանի քաղաքական թիմը նույնպես մասնակցելու է Արցախում կայանալիք խորհրդարանական ընտրություներին:

Մանրամասները՝ տեսանյութում: