«Ճիշտ կլինի, որ հրապարակվի գրավոր հրաման». Սերոբ Խաչատրյան

Կրթության ոլորտի փորձագետ Սերոբ Խաչատրյանը Ֆեյսբուքյան իր էջում գրել է. «Ճիշտ կլինի, որ ուսումնական հաստատությունների աշխատանքի դադարեցման հարցը մանրամասն ներկայացվի ու հրապարակվի գրավոր հրաման։ Արդյոք ուսուցիչները, դասախոսները, գիտաշխատողները, վարչատնտեսական անձնակազմը պիտի գնան աշխատանքի։ Արդյոք բուհերում կարող են անցկացվել հանդիպումներ, ժողովներ, քննարկումներ։ Եթե վերջիններիս կազմակերպումը թողնվում է բուհերի ղեկավարության հայեցողությանը, ապա այդ մասին էլ պիտի ասվի։ Արդյոք հաստատության ղեկավարը կարող է աշխատողին կանչել աշխատանքի։ Լավ կլինի սա հստակ ասվի»։