Հայկական Կարմիր խաչի բուժանձնակազմը՝ մեկ դար առաջ Երևանում

Պատմաբան Ռուբեն Շուխյանի գրառումը․ «Հայկական Կարմիր խաչի բուժանձնակազմը՝ մեկ դար առաջ Երևանում
Ուղիղ 100 տարի առաջ, 1920 թ. մարտի 19-ին, անկախ և ինքնիշխան Հայաստանի Հանրապետության պառլամենտը հաստատեց «Հայկական Կարմիր խաչ» ընկերության կանոնադրությունը: Հայկական Կարմիր խաչը հիմնվեց բժիշկ Սպանդարատ Կամսարականի նախաձեռնությամբ՝ արձագանքելու այն արհավիրքներին, որին բախվել էր անկախություն հռչակած հայ ժողովուրդը՝ պատերազմ, սով, համաճարակներ, գաղթականների ներգաղթ և անկայուն սահմանային իրավիճակ։ Ընկերության ղեկավար ընտրվեց Սպանդարատ Կամսարականը, ով նաեւ Երևանի թիվ 1 կլինիկական հիվանդանոցի գլխավոր բժիշկն էր: Խորհրդային կարգերի օրոք Կամսարականը շարունակեց գլխավորել Հայկական ԽՍՀ Կարմիր խաչի ընկերությունը, որից հետո 1937-ին անհիմն բռնադատվեց և իր մահկանացուն կնքեց աքսորում»: