Թրամփը #COVID_19 կորոնավիրուսի պատճառով մեկ ամսում կորցրել է 1 մլրդ դոլար․ #Forbes

209

Երեքշաբթի, 07 ապրիլի, 2020 թ., 11:55

Անցյած ամսվա ընթացքում ԱՄՆ նախագահ Դոնալդ Թրամփի ակտիվները պակասել են 1 միլիարդ դոլարով՝ կորոնավիրուսի համաճարակի և տնտեսության առանցքային ճյուղերում գործունեության անկման պատճառով, գրում է Forbes ամսագիրը:

«Մեկ ամիս առաջ մենք գնահատեցինք Դոնալդ Թրամփի կարողությունը, որը կազմում էր 3․1 միլիարդ դոլար, այժմ այն կազմում է 2.1 միլիարդ դոլար»,- գրում է ամսագիրը:

Մարտի 1-ից 18-ն ընկած ժամանակահատվածում մի շարք ընկերությունների բաժնետոմսերը, ներառյալ Boston Properties և Vornado Realty Trust-ը, անկում են ապրել միջինում 37%-ով, իսկ Թրամփի ընկերությունների մեծ մասը ներկայացված է այս ոլորտում: