Ռուսաստանում արձանագրվել է կորոնավիրուսով վարակվածության 4 069 նոր դեպք

Վերջին մեկ օրում Ռուսաստանում գրանցվել է կորոնավիրուսով վարակվածության 4 069 նոր դեպք, ընդհանուր դեպքերի թիվը կազմում է 32 007։ Այս մասին հայտնել է կորոնավիրուսի տարածման դեմ պայքարող օպերատիվ շտաբը, փոխանցում է РБК-ն։ Նախօրեին մահացել է 41 հիվանդ, ապաքինվել՝ 286-ը, ընդհանուր առմամբ, հիվանդանոցներից դուրս է գրվել 2․5 հազար մարդ։ Համաձայն стопкоронавирус.рф կայքի տվյալների, ամենաբարդ իրավիճակը Մոսկվայում և Մերձմոսկվայի շրջանում է: Ամբողջ ժամանակահատվածում Մոսկվայում վարակվել է 18 105 մարդ, վերականգնվել՝ 1 517 քաղաքացի, մահացել՝ 127-ը։ Մերձմոսկովյան շրջանում վարակվել է ավելի քան 3 500 մարդ, վերականգնվել է 105 մարդ, մահացել՝ 40 հիվանդ: