«Ռուսական արտադրության թեստերը բանի պետք չեն»․ Լուկաշենկո

Բելառուսի նախագահ Ալեքսանդր Լուկաշենկոն Գրոդնոյի շրջան կատարած աշխատանքային այցի ընթացքում անդրադարձել է ռուսական արտադրության կորոնավիրուսի ախտորոշման ռուսական արտադրության թեստերի թեմային, գրում է Интерфакс գործակալությունը։ «Թեստերը բանի պետք չեն: Այստեղ ռուսական թեստերով ստուգում են անցել նաև ռուսաստանցիները, բոլոր 15 մարդկանց ստուգել են, բոլորի մոտ դրական է ցույց տվել: Նորից պառկեցրել են հիվանդանոց և բուժել: Հիվանդանոցում հրաժարվել են ռուսական թեստերից, օգտագործել են իրենց մոտ եղածը՝ չինականը, պարզվել է, որ նրանցից միայն մեկի մոտ կա կորոնավիրուս»,- հայտնել է Լուկաշենկոն, ում խոսքերը մեջբերում է СТВ հեռուստաալիքը: