«Ավինյանի՝ այ-թի գծով խորհրդականները Սերժի ժամանակների ատկատների մեխանիզմները թվայնացնողներն են». Գարեգին Միսկարյան

«Քաղաքացու որոշում» սոցիալ-դեմոկրատական կուսակցության անդամ Գարեգին Միսկարյանը ֆեյսբուքյան իր էջում գրել է. «Սիրելի պարոն Փաշինյան, Սերժի կադրերից որ ուզում եք պետական ապարատը մաքրեք, լավ եք անում։ Բայց պիտի խնդրեմ՝ տեղը ուրիշ կադրեր չբերեք։ Ուղղակի մի բերեք ուրիշ կադրեր։ Եկեք, վերջապես, ներդնենք էդ անտեր էլեկտրոնային կառավարման համակարգ։ Դա և՛ պետական միջոցներն է խնայում, և՛ կոռուպցիոն ռիսկերն է կտրուկ նվազեցնում, և՛ քաղաքացիների ժամանակն է խնայում, և՛ այդ ծառայություններն ապակենտրոնացում ու հասանելի է դարձնում բոլորին, և՛ գնահատելի է դարձնում կատարված աշխատանքը, և՛ դյուրացնում է կապը որոշում կայացնողների և դրանց շահառուների մեջ։

Միայն չասեք, թե անում եք։ Էն ինչ դուք հիմա անում եք, էդ նույն Սերժի կադրերով եք անում, ու նրանց «արժեքների» ու փիլիսոփայության տրամաբանության մեջ։ Այ թի-ի գծով Ավինյանի խորհրդականները բոլորը Սերժի ժամանակների ատկատների մեխանիզմները թվայնացնողներն են։ Մեզ լրիվ ուրիշ բան է պետք։ Լևոն Մազմանյանին, Հակոբ Արշակյանին հարցրեք՝ կասեն։ Իրենք չասեն, ինձ հարցրեք, ես էլ չեմ ասի»։