Վաշինգթոնում կարանտինի դեմ զանգվածային ցույցեր են

Վաշինգթոնում մոտ 2,5 հազար մարդ մասնակցել է Կապիտոլիումի շենքի մոտ անցկացված ցույցերին, հայտնում է Reuters-ը:

«Ձեռնարկությունների փակումը՝ հաղթողներին և պարտվողներին, կարևորներին և երկրորդականերին ընտրելու միջոցով, խախտում է նահանգի և դաշնային սահմանադրությունը: Կասկած չկա, որ ազատության պաշտպանումը նշանակում է ռիսկի դիմել բոլոր վտանգների դեմ: Ամերիկյան հեղափոխությունն իրականացվել է ջրծաղիկի համաճարակի ժամանակ»,- հայտարարել է հանրահավաքի կազմակերպիչ Թայլեր Միլերը: Մասնավորապես, ցուցարարները դեմ են դեմոկրատ նահանգապետ Ջեյ Ինսլիի՝ կարանտինային սահմանափակումների վերաբերյալ որոշմանը, որը պարտադրում է մարդկանց չգնալ աշխատանքի, փակել սեփական բիզնեսը և մնալ տանը: