Կարանտինի դեմ բողոքի ցույց՝ Վլադիկավկազում. ОМОН-ն արցունքաբեր գազ է կիրառել

1057

Երկուշաբթի, 20 ապրիլի, 2020 թ., 23:30

ՌԴ Վլադիկավկազ քաղաքում այսօր տեղի ունեցած չարտոնագրված ցույցի մասնակիցները, որ պահանջում էին կարանտինի չեղարկում, որոշել են բանակցել իշխանությունների հետ: Այս մասին հայտնում է Հյուսիսային Օսիայի կառավարության մամուլի ծառայությունը:

Ցուցարարներին վստահեցրել են, որ կարիքավոր ընտանիքներին օժանդակություն կտրամադրվի:

Ավելի վաղ հայտնի էր դարձել, որ ավելի քան 1500 մարդ է դուրս եկել կարանտինի դեմ ցույցի:

Մասնակիցները պատմել են, որ իրենց արցունքաբեր գազով փորձել են ցրել ОМОН-ի աշխատակիցները: Համապատասխան կադրերը հայտնվել են նաև համացանցում: Ըստ որոշ աղբյուրների՝ 7 տասնյակից ավելի ցուցարար է բերման ենթարկվել: