ԱՄՆ-ը հետաքննում է #OPEC-ի բանակցությունների վերաբերյալ հավանական արտահոսքը

ԱՄՆ ապրանքային ֆյուչերսների առևտրի հանձնաժողովը (Commodity Futures Trading Commission; CFTC) հետաքննություն է սկսել մարտի ընթացքում նավթ արտահանող երկրների կազմակերպության (ՕՊԵԿ) բանակցությունների վերաբերյալ ոչ հրապարակային տեղեկությունները ժամանակից շուտ թրեյդերներին հայտնի դառնալու վերաբերյալ, գրում է Bloomberg-ը՝ վկայակոչելով իրավիճակին ծանոթ աղբյուրներին: Ըստ գործակալության՝ հետաքննությանը միացել են Հետաքննությունների դաշնային բյուրոն (FBI) և ԱՄՆ պետդեպարտամենտը:

Գործակալության անանուն զուցակիցները նշել են, որ արտահոսքը վերաբերում է Ռուսաստանի կողմից պատրաստված ՕՊԵԿ+ այլ անդամների հետ փոխգործակցության ռազմավարության նախագծին: Ըստ նրանց, հանձնաժողովը շահագրգռված է պարզել, թե արդյոք թրեյդերները, ովքեր բանակցությունների վերաբերյալ ինսայդերային տեղեկություններ են ունեցել, կարող էին վաստակել «հարյուր միլիոնավոր դոլարներ նավթի գների տատանումների վրա խաղադրույքներ կատարելով»: Թրեյդերների ինքնությունը հաստատված չէ, սակայն, ինչպես գործակալության զրուցակիցներն են նշում, «նրանք ռուս պաշտոնյաներ չեն»: Միևնույն ժամանակ, ըստ աղբյուրներից մեկի, «մարդիկ, ովքեր խաղադրույքներ են կատարել, ներգրավվել են Կրեմլին մոտ կանգնած մարդկանց»:

Մեկ այլ աղբյուրի համաձայն, CFTC-ի կողմից սկսված հետաքննությունը վերաբերում է CME Group բորսային խմբի գործողություններին (որոնք ներառում են Չիկագոյի առևտրային բորսան, Չիկագոյի առևտրի խորհուրդը և Նյու Յորքի ապրանքային բորսան, որը վաճառում է WTI տեսակի նավթը):