Հինգշաբթի, 28 մարտի, 2024 թ.
|
Ստեփանակերտում`   +12 °C

Մերկելի գնահատականը՝ կորոնավիրուսի դեմ պայքարին

Մերկելի գնահատականը՝ կորոնավիրուսի դեմ պայքարին
2030
Հինգշաբթի, 23 ապրիլի, 2020 թ., 16:45

Գերմանիայի կանցլեր Անգելա Մերկելը կորոնավիրուսի համաճարակը Գերմանիայի պատմության մեջ ամենալուրջ փորձությունն է անվանել։ Այս մասին նա խոսել է Բունդեսթագում իր ելույթի ժամանակ, հայտնում է Reuters-ը:

«Մենք չենք ապրում համավարակի վերջին փուլում, դեռևս սկզբում ենք»,- ասել է Մերկելը։ Նրա խոսքով՝ կորոնավիրուսի դեմ պայքարը դեռ երկար կտևի Գերմանիայում և աշխարհում, իսկ թե որքան լուրջ կլինեն տնտեսական խնդիրները, առայժմ հնարավոր չէ գնահատել։ Քաղաքական գործիչն ընդգծել է, որ գերմանացիներին հաջողվել է ժամանակ շահել, և դա օգտագործվել է Գերմանիայի առողջապահական համակարգն ուժեղացնելու համար։ Միևնույն ժամանակ, նա շեշտել է, որ համաճարակի ժամանակ գերմանացիների սոցիալական շփումները սահմանափակելու որոշումն իր պաշտոնավարման ողջ ընթացքում ամենաբարդ որոշումն է եղել։
Մերկելը նշել է, որ Բեռլինը պետք է պատրաստ լինի ավելի մեծ ներդրում ունենալ ԵՄ բյուջեում, աջակցել մի ծրագրի, որն ուղղված է համավարակից տուժած տնտեսությունների վերականգնմանը։