«Քաղաքացու օրը մեկ տարվա կյանք էլ չունեցավ». Սուրեն Սուրենյանց

Քաղաքագետ Սուրեն Սուրենյանցը ֆեյսբուքյան իր էջում գրել է. «Քաղաքացու օրը մեկ տարվա կյանք էլ չունեցավ:

Քաղաքացու իրական օրն Անկախության տոնն է կամ Սամանադրության օրը։ Այսինքն՝ այս երկրում քաղաքացին իր տոնը ունեցել է ու հեղափոխությունից հետո այն առանձին օրով սահմանելը հասարակությանը հերթական անգամ սորտավորելու փորձ էր։
Անցյալ տարի էլ եմ գրել, հիմա էլ կրկնում եմ՝ Նիկոլ Փաշինյանի թիմը Քաղաքացու օրով ոչ թե քաղաքացուն է արժևորում, այլ ֆետիշացնում է այն հեղափոխությունը, որն իրեն իշխանության է բերել։
Ոչ մի խորհուրդ տեղ չհասավ․ անցած տարի այդ արհեստական տոնն ընդունեցին ու իրենց իշխանության առաջին տարեդարձը խորովածով նշեցին Երևանի փողոցներում։ Այսօր «պետական մակարդակով» էլի «կհիշեին» քաղաքացուն, եթե կորոնավիրուսը «մոռացնել» չտար արհեստական այդ տոնը։
Հաջորդ տարի այս տոնի մասին հիշող այլևս չի լինի ընդհանրապես, որովհետև դրա հետ ասոցացվող իշխանությանը համատարած քրֆելը դառնալու է օրվա թրենդը (դա ցավով եմ արձանագրում, իշխանությունն ինքն է «նվաճում» նման հեռանկարն իր անարդյունավետ կառավարմամբ ու տոտալ չտեսությամբ)։ Այնպես որ՝ Քաղաքացու օրը մեկ տարվա կյանք էլ չունեցավ․․․»: