«Համոզված եմ, որ տեղի ունեցածն ուղիղ կապ ունի Սեդա Սաֆարյանի գործունեության հետ». Նինա Կարապետյանց

«Ես խորին համոզմունք ունեմ, որ դա պատահականություն չէր, հարձակվողները շատ լավ իմացել են, թե ուր են եկել և ինչի համար են անում: Գետնին տապալել կնոջը և հարվածել, դա բարոյական բոլոր նորմերից դուրս է: Դա օրենքով չի կարգավորվում, բարոյական նորիմերով է կարգավորվում: Համոզված եմ, որ դա պատահականություն չէ և ուղիղ կապ ունի տիկին Սաֆարյանի գործունեության հետ». ապրիլի 27-ին նման պնդում արեց «Հելսինկյան ասոցիացիա» ՀԿ նախագահ, իրավապաշտպան Նինա Կարապետյանցը՝ արձագանքելով նախօրեին փաստաբան Սեդա Սաֆարյանի հետ կապված միջադեպին: «Գուցե սա կարող է և Մարտի 1-ի հետ էլ կապված չլինել, բայց տիկին Սաֆարյանի գործունեությունը տարիներ շարունակ եղել է այնպիսին, որ ինքը շատերի համար թիրախ է դարձել»,- նշեց իրավապաշտպանը:
Ն. Կարապետյանցի համոզմամբ՝ այդ քայլը կատարողները համոզված են եղել, որ անպատիժ են մնալու: Տեղի ունեցածը «տխրահռչակ թավիշի հետևանքն է»: