«Քաղաքական տրյապկա, անբարոյականի վաստակ». Սիմոնյանի և Մարուքյանի լեզվակռիվը

Ազգային Ժողովում այսօր ԱԺ փոխխոսնակ Ալեն Սիմոնյանի և «Լուսավոր Հայաստան» խմբակցության ղեկավար Էդմոն Մարուքյանի միջև վեճ տեղի ունեցավ:

Ալեն Սիմոնյանն անդրադարձավ ԼՀ խմբակցության պատգամավոր Անի Սամսոնյանի՝ իր հասցեին հնչեցրած որակումներին՝ նշելով, որ դրանք Էդմոն Մարուքյանի խոսքերն են․ «Մեʹկ ձեզ, մեʹկ Գորգիսյանին ա խնդրում ելույթ ունենալ, որովհետև ինքը չի իջնում մեր մակարդակին», - ասաց Սիմոնյանը՝ պնդելով, որ ինքը մի շարք բաներ կարող է պատմել «Լուսավոր Հայաստանի» մասին։
«Լուսավոր Հայաստանի» ղեկավարը տեղից միջամտեց, Սիմոնյանն էլ կոչ արեց իր հետ «Դուք»-ով խոսել.
«Դու-ն դու ես, Դուք-ով կխոսես սրանից հետո», - ասաց Սիմոնյանը։

Էդմոն Մարուքյանը Սիմոնյանին անվանեց «հոգնած», որին Սիմոնյանն արձագանքեց․ «Քեզ քո բոյի չափով պահի, քաղաքական տրյապկա»։

ԱԺ նախագահը փորձեց հանդարտեցնել գործընկերներին, մինչդեռ վեճն ավելի թեժացավ։

Էդմոն Մարուքյանը Սիմոնյանին «անբարոյականի վաստակ» անվանեց, Սիմոնյանն էլ ասաց․ «Չափիդ մեջ կմնաս սրանից հետո, անբարոյականի վաստակը դու ես»։
ԱԺ նախագահն արձագանքեց․ «Դե բավական է էլի, սա Ազգային ժողով է»։

Մանրամասները՝ տեսանյութում։