ԱՄՆ գանձապետարանը մտադիր է ռեկորդային՝ 2,9 տրիլիոն դոլար պարտք վերցնել

2210

Երեքշաբթի, 05 մայիսի, 2020 թ., 17:05

ԱՄՆ ֆինանսների նախարարությունը հայտարարել է, որ իշխանությունները մտադիր են տարվա երկրորդ եռամսյակի համար (ապրիլ-հունիս) պարտք վերցնել ռեկորդային՝ 2,99 տրիլիոն դոլար՝ կորոնավիրուսի համավարակով պայմանավորված ֆինանսատնտեսական ճգնաժամը հաղթահարելու նպատակով: Նախարարությունը երկուշաբթի հայտարարել էր, որ նշված գումարը գերազանցելու է 530 միլիարդ դոլար արժողությամբ եռամսյակային փոխառությունները, որոնք կատարել էին 2008 թվականի հուլիս-սեպտեմբեր ամիսներին՝ ֆինանսական ճգնաժամի պայմաններում:

2019-ին ամբողջ տարվա համար երկրի իշխանությունների վերցրած պարտքը կազմում էր 1,28 տրիլիոն դոլար, հայտնում է AP-ն: Ֆինանսների նախարարությունը հայտարարել է, որ 2,99 տրիլիոն դոլարն անհրաժեշտ է կառավարության կողմից հաստատված տարբեր ծրագրերի իրականացման համար՝ աշխատողներին և ձեռնարկություններին աջակցելու, աշխատավարձերի պաշտպանության և այլ միջոցառումների համար: