Ցուցարարներին ջարդող աշխատակազմի քարտուղարը նշանակվել է Նոր Նորքի ղեկավարի տեղակալ

Այսօր MAMUL.am-ի խմբագրություն են դիմել մի խումբ քաղաքացիներ, ովքեր դժգոհում էին և նշում, որ «հեղափոխության շունչն այդպես էլ չհասավ Նոր Նորք վարչական շրջան»: Վերջինները վրդովված էին այն հանգամանքից, որ 2018թ. հեղափոխության ժամանակ խաղաղ ցուցարարների դեմ վայրագ գործողություններով աչքի ընկած Վահան Ալեքսանյանն, ով այն ժամանակ զբաղեցնում էր Նորք Մարաշ վարչական շրջանի ղեկավարի աշխատակազմի քարտուղարի պաշտոնն, այսօր արդեն զբաղեցնում է Նոր Նորք վարչական շրջանի ղեկավարի տեղակալի պաշտոնը:
Քաղաքացիները մեզ տրամադրել են նաև տեսանյութ, որտեղ Վահան Ալեքսանյանն ագրեսիվ քաշքշուկի մեջ է ցուցարարների և Ալեն Սիմոնյանի հետ:

Մեզ դիմած քաղաքացիները տեղեկացրեցին նաև, որ երեկ՝ մայիսի 4-ին, վարչական շրջանի ղեկավարի կողմից կարգադրություն է եղել ազատել Վահան Ալեքսանյանին զբաղեցրած պաշտոնից: Սակայն օրվա ավարտին Ալեքսանյանն, ով արդեն իրերն է հավաքած եղել, զանգ է ստացել, ինչից հետո պատռել է հեռացման հրամանն ու նորից շարունակել աշխատել: