Երկուշաբթի, 20 ապրիլի, 2026 թ.
|
Ստեփանակերտում`   +8 °C

«Կյանքիս մեջ ինչ արել եմ, չեմ զղջում». Սասուն Միքայելյան

«Կյանքիս մեջ ինչ արել եմ, չեմ զղջում». Սասուն Միքայելյան
328
Ուրբաթ, 08 մայիսի, 2020 թ., 15:40

Կյանքիս մեջ ինչ արել եմ, չեմ զղջում: Այս մասին «Առաջին լրատվական»-ի հետ զրույցում նշեց ԱԺ «Իմ քայլը» խմբակցության պատգամավոր Սասուն Միքայելյանը՝ անդրադառնալով ԱԺ նիստերի դահլիճում տեղի ունեցածի միջադեպին:

Հարցին՝ մայիսի 8-ով նման ծեծկռտուք, իրարանցում արժե՞ր Ազգային ժողովում, Սասուն Միքայելյանը չպատասխանեց և արագ հեռացավ:

Հիշեցնենք՝ այսօր, Մայիսի 8-ի նիստում, ծեծկռտուք տեղի ունեցավ պատգամավորների միջև՝ վարչապետ Նիկոլ Փաշինյանի ներկայությամբ։ «Լուսավոր Հայաստան» խմբակցության ղեկավար Էդմոն Մարուքյանի ելույթի ժամանակ տեղից արձագանքեց «Իմ քայլի» պատգամավոր Սասուն Միքայելյանը։ «Պարո՛ն Միքայելյան, հոպար չեմ ձեզ համար»,- ասաց Մարուքյանն ու իջավ ամբիոնից։ Սասուն Միքայելյանը մոտեցավ նրան ու հարվածեց, ինչից հետո քաշքշուկ սկսվեց։