Ուհանի իշխանությունները մեկնաբանել են կորոնավիրուսով նոր դեպքերի մասին տեղեկությունները

Չինաստանի Ուհան քաղաքի իշխանությունները թույլ չեն տա, որպեսզի կորոնավիրուսի կրկնվող ալիքը տարածվի և կպահպանեն համաճարակաբանական վերահսկողության խիստ միջոցներ՝ համընդհանուր անվտանգությունն ապահովելու համար: Այս մասին այսօր հայտնել է հիգիենայի և առողջապահության ոլորտի տեղական հանձնաժողովը՝ մեկնաբանելով վերջին երկու օրվա ընթացքում հիվանդության դեպքերի թվի աճը։
Ուհան քաղաքում անցած օրվա ընթացքում գրանցվել է կորոնավիրուսի 6 դեպք․ վարակակիները 29-ից 81 տարեկան են, որոնք չեն ունեցել հիվանդության ախտանշաններ։
Պաշտոնական վիճակագրության համաձայն՝ Հուբեյում կարանտինում և բժիշկների հսկողության տակ է գտնվում առանց ախտանիշների առկայության 615 հիվանդ: