«Խուսափում է օգտագործել «Արցախ» անվանումը երկրի ներսում, իսկ դրսում ընդհանրապես չի օգտագործում»․ Ստեփան Դանիելյան

Քաղաքագետ Ստեփան Դանիելյանը ֆեյսբուքյան իր էջում գրել է. «Արդեն ակնհայտ է, որ Հայաստանի ընտրված ներկայացուցիչների վարչապետն արդեն որոշ պայմանավորվածություններ ունի (բանավոր կամ գրավոր), որոնք հրապարակայնորեն կատարում է։

- Խուսափում է օգտագործել «Ղարաբաղի Հանրապետության իշխանություններ» արտահայտությունը՝ համառորեն ասելով «Ղարաբաղի ընտրված ներկայացուցիչներ», հաջորդ փուլում կօգտագործի «փաստացի իշխանություններ» արտահայտությունը։

- Խուսափում է օգտագործել «Արցախ» անվանումը երկրի ներսում, իսկ դրսում ընդհանրապես չի օգտագործում. ըստ երևույթին, շուտով կլսենք նաև «Խանքենդի» անվանումը։

- «Լուծումը պետք է բավարարի երեք ժողովուրդներին» բանաձևը, փաստորեն, նշանակում է հրաժարում Արցախի անկախությունից։ Այլ բան այդ բանաձևը նշանակել չի կարող։

- «Լեռնային Ղարաբաղի ադրբեջանական համայնքի» միջազգայնորեն ճանաչման փորձերը նույնպես Հայաստանի ընտրված ներկայացուցիչների լռելյայն համաձայնության նշանն է։ Համենայն դեպս, որևէ դիվանագիտական քայլ դրա դեմ չի արվել։

- Մայիսի 8-ին նշանակված Քոչարյանի խափանման միջոցի դատը նույնպես ընտրված վարչապետի կողմից Ադրբեջանին ուղղված բարի կամքի դրսևորումն էր»։