«Կառավարության հրաժարականների պահանջներն անպատեհ են». Արամ Աբրահամյան

«Առավոտ» օրաթերթի գլխավոր խմբագիր Արամ Աբրահամյանը ֆեյսբուքյան իր էջում գրել է. «Դառնալով ընդդիմության մի մասի ասածների բովանդակությանը՝ ասեմ, որ ես դրա հետ կտրականապես համաձայն չեմ. կառավարության փոփոխության և հրաժարականների պահանջներն ինձ չափազանց անպատեհ են թվում: Այս ծանր վիճակում մեզ միայն իշխանական վերադասավորումներն էին պակաս: Իսկ երբ վարակը նահանջի (իսկ Հայաստանի դեպքում դա հնարավոր կլինի միայն այն պարագայում, երբ համաշխարհային մակարդակով կսկսվի կիրառվել «COVID-19»-ի պատվաստանյութը), կառավարությունը կարող է ասել՝ «մենք կառավարման համակարգից և, մասնավորապես, համավարակի դեմ պայքարից գլուխ չհանեցինք, թող գան նոր մարդիկ, որոնք ավելի լավ կկատարեն այդ գործը»: Բայց աշխարհիս երեսին մարդկության ողջ պատմության մեջ չի եղել մի կառավարություն, որը նման բան կասեր»: