«Հիստերիկ, անկանոն շարժումները, գիտե՞ք՝ ինչի հետևանք են». Արփինե Հովհաննիսյան

ԱԺ նախկին փոխնախագահ, արդարադատության նախկին նախարար Արփինե Հովհաննիսյանը ֆեյսբուքյան իր էջում գրել է․ «Եթե ես հրապարակային իմ նախաձեռնությամբ որևէ մեկի կամ խմբի հասցեին փողոցային խուլիգանին բնորոշ բառապաշար օգտագործեմ, ապա իմացեք, որ դա ցույց կտա բացառապես իմ մակարդակը, իմ դաստիարակությունը, արժեհամակարգը, շրջապատը, ընկերներիս մակարդակը։ Դրանից վիրավորանքի սուբյեկտը առանձնապես չի տուժի, եթե չշահի։

Հիստերիկ, անկանոն շարժումները, գիտե՞ք՝ ինչի հետևանք են։ Տղաներին և աղջիկներին թվացել է, որ ժողովուրդն իր գլխին սրանց հավերժ կամ էդպես մի 5-10 տարի շեֆ է կարգել, ու հիմա իրենք ինչ ուզեն կանեն։

Ով իրենց քննադատում է՝ մանիակալ դեպրեսիվ փսիխոզի, պասիվ հետապնդվողի կերպարի մեջ աջ ու ձախ բղավում են։ Ասում ես՝ մարդիկ փող չունեն, ասում են՝ աաայ նախկիները թալանածի համար են անհանգիստ: Ասում ես՝ ձեր անգրագիտության պատճառով ավիացիան ընկավ սև ցուցակ, ասում են՝ աաայ նախկինները թալանածի համար են անհանգիստ: Ասում ես՝ արտակարգ դրությունը ձևական է, ասում են՝ աաայ նախկինները անհանգիստ են: Ասում ես՝ անլուրջ էիք վերաբերվում կորոնավիրուսին, ասում են՝ նախկիններն անհանգիստ են: Ասում ես՝ հանրաքվեն հակասահմանադրական է, ասում են՝ աաայ նախկիները թալանի համար անհանգիստ են: Ասում ես՝ հայհոյանքից մի բողոքեք դա ձեր «շնորհքն» է, ասում են՝ աաայ նախկինները անհանգիստ են։
Նախ՝ նախկիններից որոշների չափ խելք, հայրենասիրություն ու նվիրում ունեցեք։ Ու Բոլորին անվանարկել չեք կարող, չի ստացվի։ Երկրորդ՝ ձեր թալանով ու ձեր կողքը ծվարած նախկինների «դարդով» զբաղվեք։

Անհարգելի՛ անգրագետներ, քննադատելը նորմալ է։ Աննորմալ է սվիններով դա ընդունելը։ Իշխանության ձգտելը նորմալ է։ Միշտ։ Բոլորի կողմից։ Աննորմալ է քրեական գործերով սպառնալը։ Ձեր առջև ոչ ոք երդում չի տվել, որ ձեր «առինքնող վսեմության» ու «պարգևավճարային» թագ ու պսակի դեմ չի ոտնձգի»: