«Որոշ քաղաքական ուժեր և անձինք կարժանանան շատ կոնկրետ գնահատականի». Նիկոլ Փաշինյան

ՀՀ վարչապետ Նիկոլ Փաշինյանն այսօր՝ ճեպազրույցի ժամանակ, անդրադարձավ խորհրդարանական ընդդիմադիր ուժերի՝ ԼՀԿ-ի և ԲՀԿ-ի այն հայտարարություններին, թե կառավարությունը ձախողել է կորոնավիրուսի համակավարակի դեմ պայքարը:

«Համավարակի հաղթահարումից հետո մենք պետք է քննության առնենք շատ քաղաքական ուժերի պահվածքը համավարակի շրջանում և պիտի քննենք և հանարայնորեն գնահատական տանք, թե նրանց գործողություններն ինչքանով են նպաստել երկրում համավարակի հաղթահարմանը և ընդհակառակը՝ ինչքանով են նպաստել համավարակի տարածմանը: Որոշակի քննություն կծավալվի նաև՝ հասկանալու համար, թե որոշակի քաղաքական շրջանակներ արդյոք կապ ունե՞ն կեղծ լուրերի տարածման հետ: Պատերազմական իրավիճակներում քայքայիչ գործողություններ ծավալող անձինք և ուժերը կարժանանան համապատասխան գնահատականի: Որևէ մեկը թող չկասկածի, որ այն ուժերը, որոնց քայքայիչ գործունեությունը կլինի ապացուցելի, այդ ուժերն արժանանալու են շատ կոնկրետ և համաժողովրդական գնահատականի»,- ասաց նա: