«Օգտվելու էին քվեարկության գաղտնի լինելու հանգամանքից և կողմ էին քվեարկելու». Հովսեփ Խուրշուդյան

«Ժառանգություն» կուսակցության անդամ Հովսեփ Խուրշուդյանը ֆեյսբուքյան իր էջում գրել է. «Գագիկ Ծառուկյանին քրեական պատասխանատվությունից փրկելու միակ քայլը, որ կարող էր անել Էդմոն Մարուքյանը, դա հայտարարելն էր, որ ԼՀ խմբակցությունը չի մասնակցելու քվեարկությանը: Հակառակ դեպքում, եթե թույլ տրվեր խմբակցության անդամներին քվեարկել սեփական խղճի մտոք, կամ անգամ որոշվեր դեմ քվեարկել, շատերն այդ խմբակցությունից, վստահ եմ՝ օգտվելու էին քվեարկության գաղտնի լինելու հանգամանքից և կողմ էին քվեարկելու դատախազի միջնորդությանը: Էլ չասեմ, թե ինչու:
Ի դեպ, նույնը լինելու էր նաև ԲՀԿ պատգամավորների դեպքում: Այս դեպքում՝ մանրամասնեմ: Ոչ ոք չի սիրում, երբ իրեն նվաստացնում են: Ու անգամ նվաստանալը փող աշխատելու փեշակ դարձրածները երբեք բաց չեն թողնի առիթն իրենց նվաստացնողից ազատվելու համար: Այսինքն՝ նրանք կքվեարկեն հանուն սեփական անձի ազատագրման: Մնում է տեսնել, թե ինչպես է քվեարկելու ՔՊ-ն: Կասկածներ ունեմ:

Հուսամ՝ դրանք այս մեկ ժամում կփարատվեն»: