Վահե Էնֆիաջյանը խուսափեց պատասխանել Քոչարյանի ու ՀՀԿ-ի մասին հարցին

Ինչպես արդեն հայտնել էինք, ՀՀ ԱԺ «Բարգավաճ Հայաստան» խմբակցության պատգամավորներն ԱԱԾ շենքի մոտ են: ԲՀԿ պատգամավոր Նաիրա Զոհրաբյանը լրագրողների հետ զրույցի ժամանակ նշեց. «Ես շատ ցավում եմ, որ հեղափոխությունը շատ տխուր վախճան է ունենալու, անկեղծորեն դա չէի ցանկանա... Արդեն մի քանի քաղաքական ուժեր համատեղ հայտարարություն են տարածել ստեղծված իսկապես անընդունելի իրավիճակի հետ կապված, հիմա պիտի գնա քաղաքական առողջ ուժերի կոնսոլիդացիա և մենք մեր երկրում վերջապես պետք է ունենաք օրենքի իշխանություն: Գագիկ Ծառուկյանն ինքն էլ ասաց, որ հետ նահանջելու տեղ չունի, որովհետև թիկունքում ՀՀ քաղաքացին է, ՀՀ-ն կորցնելու ռեալ վտանգն է...»: Նա բացառեց Սերժ Սարգսյանի փեսա Միքայել Մինասյանի հետ համագործակցությունը։

Լրագրողների հարցերին պատասխանեց նաև Վահե Էնֆիաջյանը։ Հարցին՝ Քոչարյանի ու ՀՀԿ-ի հետ մտադի՞ր եք համագործակցել, պատասխանեց․ «Ժողովրդի կողմից չընկալված, մերժված մարդկանց, ուժերի հետ ճանապարհ չենք անցնելու»։ Ճշտող հարցին՝ այսինքն այդ երկուսը մերժվա՞ծ են, կրկնեց նույն պատասխանը։