«Ռոբերտ Քոչարյանն ինչ-որ բանի է սպասում, և այդ «ինչ-որ բանը» ՍԴ-ում է»․ Անդրանիկ Քոչարյան

ԱԺ «Իմ քայլը» խմբակցության պատգամավոր, Ազգային ժողովի Պաշտպանության և անվտանգության հարցերի հանձնաժողովի նախագահ Անդրանիկ Քոչարյանը «Ազատություն» ռ/կ-ի եթերում անդրադարձել է ՀՀ երկրորդ նախագահ, ամբաստանյալ Ռոբերտ Քոչարյանին 2 միլիարդ դրամով կալանքից ազատելու դատարանի որոշմանը:

Հարցին, թե իրավաչա՞փ որոշում էր դա, Քոչարյանը կարո՞ղ է ազատության մեջ գտնվելով խոչընդոտել քննությանը, Անդրանիկ Քոչարյանը պատասխանել է. «Ռոբերտ Քոչարյանի պարագայում միշտ էլ տուժող կողմի փաստաբանները հիմնավորել են Ռոբերտ Քոչարյանի նախաքննության ընթացքից մինչև դատաքննություն խոչընդոտելու հնարավորությունը: Այս անգամ էլ դատախազությունն իր հիմնավորումները ներկայացրեց, բայց դատավորը կայացրեց մեկ այլ որոշում՝ 2 միլիարդ դրամ գրավի դիմաց խափանման միջոցը փոխեց: Ես գիտեմ, որ դատախազությունը բողոքարկել է այդ որոշումը, և մենք նորից պտտվելու ենք նույն առանցքի շուրջ: Հիմա նորից Վճռաբեկ բողոք պետք է լինի, նորից քննարկումեր, նորից ինչ-որ դեռ դատաքննությունը չսկսած մենք տեղապտույտի մեջ ենք: Ռոբերտ Քոչարյանի խնդիրը դատաքննությունը սկսելը չէ, Ռոբերտ Քոչարյանի խնդիրը ժամանակ շահելն է: Ես միշտ ասել եմ՝ ինքն ինչ-որ բանի է սպասում: Կասկածներ կան, որ այդ ինչ-որ բանը գտնվում է Սահմանադրական դատարանում»:

Մանրամասները՝ տեսանյութում: