«Հրայր Թովմասյանը թող հետ նայի, տեսնի, թե ինչ ամոթալի քայլեր է արել». Արա Ղարագյոզյան

«Իմ քայլը» խմբակցության պատգամավոր Վահագն Հովակիմյանն այսօր «Առաջին լրատվական»-ի եթերում հայտնել է, որ Սահմանադրության փոփոխությունները անձերին չի վերաբերում:

«Սահմանադրական դատարանը պետք է ամբողջությամբ համահունչ լինի Սահմանադրության 7-րդ գլխի պահանջներին, դա ենթադրում է, որ պետք է դադարեցվեն 12 տարի պաշտոնավարած ՍԴ անդամների լիազորությունները, նրանք երեքն են, մյուս չորսը կշարունակեն պաշտոնավարել մինչև 12 տարին լրանալը»,- ասել է պատգամավորը:

Փաստաբան Արա Ղարագյոզյանի խոսքով՝ Ազգային ժողովի՝ սահմանադրական փոփոխություններ իրականացնելու գործընթացը իրավաչափ է:

«Հրայր Թովմասյանը ՍԴ նախագահ է դարձել կեղծարարության արդյունքնում: Հրայր Թովմասյանը Ազգային ժողովի նախաձեռնած գործընթացն այսօր որակեց որպես ամոթալի, բայց նա թող հետ նայի, տեսնի, թե ինչ ամոթալի քայլեր է արել, երբ արդարադատության նախարար էր կամ պատգամավոր էր: Ի՞նչ է արել նա, երբ քրեական ենթամշակույթ էր տիրում ՔԿՀ-ներում, և ընդհանուր առմամբ, ի՞նչ որոշումներ է ընդունել որպես ՍԴ նախագահ՝ նախկին իշխանությունների շահերն ամրապնդելու համար»,- ասել է փաստաբանը:

Մանրամասները՝ սկզբնաղբյուրում: