«Մեր առաջնային, ամենակարևոր օջախները բակերն են»․ Նիկոլ Փաշինյան

«Կորոնավիրուսի տարածման մեր առաջնային, ամենակարևոր օջախները բակերն են՝ բակ, շենք, թաղամաս։ Կարծում եմ՝ ՏԻՄ ներկայացուցիչները, ոստիկանները, կամավորները պետք է մեծ աշխատանք կատարեն։ Խնդիրը՝ սահմանված կանոնների պահպանման մեջ է։ Դրանում համոզվել ենք փորձագետների, միջազգային կազմակերպությունների հետ քննարկումների արդյունքում»,- Կառավարության նիստի ժամանակ հայտարարեց վարչապետ Փաշինյանը՝ կրկին հորդորելով քաղաքացիներին պահպանել հակահամաճարակային կանոնները։

«Սիրելի հայրենակիցնե՛ր, եթե հակահամաճարակային կանոնները չպահպանեցինք, պրոբլեմները գնալով խորանալու են։ Իհարեկ պետք է վարչական մեթոդները գործի դնենք, բայց այստեղ ամենակարևորը վարքագծային փոփոխությունն է։ Մեր նպատակը տուգանելը չէ, մեր նպատակը չտուգանելն է՝ պայմանով, որ բոլորս պահպանում ենք կանոները․․․ Պետք է ի վիճակի լինենք չգնալ համատարած լոքդաունի վիճակին։ Դա ցույց է տալիս, որ տասնյակ հազարավոր աշխատատեղեր փակվում են՝ սոցիալական, տնտեսական հետևանքներով։ Սա նշանակում է, որ նաև կարող է պետական եկամուտների հավաքագրման պրոբլեմներ լինեն, որը այսօր չունենք»։